Շաբաթվա նախագիծ 25.01/29.01

Շաբաթվա նախագիծ 25.01/29.01

ՀԵՌԱՎԱՐ ՈՒՍՈՒՑՈՒՄ
25.01.2016-29.01.2016թթ.

9.00-10.00 Առավոտյան ծես, բարի լույս:
Միջավայրի խնամք, խնամում ենք սենյակային բույսերին և ծաղիկներին:
Ես ինքնուրույն եմ. Հագուստը, կոշիկները հագնում ենք ինքնուրույն:
Դիտարկումներ օրվա մասին՝ պատշգամբից, բակից, պատուհանից:
Ինչպիսին է օրը՝ անձրևոտ,, ձյունոտ, արևոտ, ուրախ, մռայլ, թե՞ տխուր:

Ուրախ նախավարժանք, մարմնամարզական ստուգատես:
Պատրաստվում ենք մարմնամարզական ստուգատեսին:
Կատարում ենք հետևյալ վարժությունները.
Գլուխկոնծիներ.
Գլորումներ,
Քայլել ուղիղ գծի վրայով

Հիգիենայի ժամ: Լվանում ենք մեր ձեռքերը և պատրաստվում նախաճաշին: Ինչպե՞ս ճիշտ լվացվել:

Համեղ և ուրախ նախաճաշ: /տեսագրել/
Օգնում ենք մեծերին նախաճաշը պատրաստել
Շաբաթվա ոտանավորներ, ասիկներ և խաղիկներ
Մատնախաղեր՚

Հովհաննես Թումանյան

ԱՐՏՈՒՏԻԿ
Արտուտիկ,
Նախշուն տոտիկ,
Իջնեն կալեր
Գողտիկ-մողտիկ,
Ընտրեն քարեր,
Ուտեն կուտիկ,
Կըծըլվըլան
Կըթիկ- կըլթիկ:

ՄԱՐՏԸ
Ա˜խ, էսպե˜ս էլ գիժ ամիս,
Մարդու հանգիստ չի տալիս:
Էսօր ուրախ օր կանի ,
Վաղը` անձրև ու քամի.
Առավոտը` պայծառ օդ,
Կեսօրը` մութ ու ամպոտ:
Մե՛կ հագնում է սպիտակ,
Մե՛կ կանաչին է տալիս,
Մի օր ցուրտ է, մի օր տաք,
Մե՛կ խնդում է, մե°կ լալիս…
Ա˜խ , Էսպե˜ս էլ գիժ ամիս…

ԻՐԻԿՈՒՆ

Արևը շատ էր հոգնել, ման էր եկել ամբողջ օրը.
«Հերիք է, ասավ,
Գնամ պառկեմ ու քնեմ»։
Տերևը ուրախ սըվսըվում էր, որ կանգ առավ.
«Էս ի՞նչ է, ասավ,
Արևն էլ չի երևում.
Ես էլ պառկեմ ու քնեմ»։
Թռչնակը երգում էր ծառի վրա, հանկարծ լռեց.
«Էս ի՞նչ է, ասավ,
Ո՛չ տերև է սըվսըվում,
Ո՛չ արևն է երևում.
Ես էլ գնամ ու քնեմ»։
Նապաստակը ոստոստում էր թփերի տակ, որ ականջը սրեց.
«Էս ի՞նչ է, ասավ,
Ո՛չ թռչնակ է ծըլվըլում,
Ո՛չ տերև է սըվսըվում,
Ո՛չ արևն է երևում.
Ես էլ գնամ ու քնեմ»։
Որսկանը անտառում որս էր որոնում, կանգնեց.
«Էս ի՞նչ է, ասավ,
Ո՛չ նապաստակ է վազ տալի,
Ո՛չ թռչնակ է ծըլվըլում,
Ո՛չ տերև է սըվսըվում,
Ո՛չ արևն է երևում․
Ես էլ գնամ ու քնեմ»։
Լուսինը ծագեց, ցած նայեց, տեսավ.
«Ի՜նչ լավ է, ասավ,
Ո՛չ որսորդ է ման գալի,
Ո՛չ նապաստակ վազ տալի,
Ո՛չ թռչնակ է ծըլվըլում,
Ո՛չ տերև է սըվսըվում,
Ո՛չ արևն է երևում.
Մենակ ես եմ որ անքուն
Քեֆ եմ անում երկնքում»

Շաբաթվա երգ Արևների շարք
Այ իմ գնդակ
Փայտե Ձիուկ

Տրո՛փ, տրո՛փ, տրո՛փ,
Վազե, ձիուկ, հո՛պ,
Քարեն վեր,
Դարեն վեր,
Սիրուն ձիուկ,
Դեպի լեռ.
Տրո՛փ, տրո՛փ, տրո՛փ,
Հո՛պ, հո՛պ, հոպ:

Թա՛փ, թա՛փ, թա՛փ,
Գետեն անցիր ափ,
Մի՛ վազեր,
Մի՛ կոտրեր,
Կարմիր ձիուկ,
Իմ ոտներ.
Թա՛փ, թա՛փ, թա՛փ,
Ա՛փ, ա՛փ, ա՛փ:

Պռու՛, պռու՛, պռու՛,
Այժմ կեցիր դու,
Ու արի,
Կեր գարի,
Գիրուկ ձիուկ
Քաջարի.
Պռու՛, պռու՛, պռու՛,
Դու՛, դու՛, դու՛:

ԴԻՋԻԹԵՔ-ը ԸՆՏԱՆԻՔՈՒՄ

ԲՆԱԳԻՏԱԿԱՆ ՖԼԵՇՄՈԲ.

ՊԱՏՐԱՍՏՎՈՒՄ ԵՆՔ ԲՆԱԳԻՏՈՒԹՅԱՆ և ՏԵԽՆԻԿԱԿԱՆ ՍՏԵՂԱԳՈՐԾՈՒԹՅԱՆ ՍՏՈՒԳԱՏԵՍԻՆ

ՈՒՍՈՒՑՈՂԱԿԱՆ ԽԱՂԵՐ ՏԱՆԸ / կարող եք պատրաստել դոմինոներ, լոտոներ , որոնք տեղեկությու կտան սաներին կենդանիների, մրգերի, բնության երևույթների մասին/պատրաստման ընթացքը տեսագրել/:

Հրաբուխ

Այս փորձի համար անհրաժեշտ է ծեփամածիկ/պլաստիլին/,սոդա,քացախ, ներկանյութ կամ սննդային ներկանյութ, կարելի է օգտագործել նաև բազուկի հյութ, աման լվացող հեղուկ:

Ծեփամածիկը/պլաստիլինը/ շրջանաձև ծեփենք ,տափակեցնենք ու դնենք ստվարաթղթի վրա, լավ կպցնենք, ամրացնենք ստվարաթղթին և նմանեսնենք բուրգի կամ սարի :Կամ կարող ենք վերցնել փոքր աման, բաժակ և այն պատել ծեփամածիկով /պլաստիլինով/ :

Պատրաստենք ,,լավան,,: Վերցնենք 1 ճաշի գդալ աման լվացող հեղուկ ,մի քիչ ներկանյութ և 1 ճաշի գդալ սոդա : Այդ ամենը խառնենք:Այդ խառնուրդը լցնում ենք ծեփամածիկով /պլաստիլինե/ պատրաստված փոսի մեջ և վրան ավելացնում քացախ/ բաժակի ¼ մասը / կամ 50 գրամ/

Սկսվում է բուռն ռեակցիա, ամեն ինչ սկսում է եռալ, փոսիկից դուրս է թափվում գունավոր փրփուր: Ստացվում է իսկական հրաբուխ:

կամ կարող ենք այսպես անել .նախ առաջինը լացնում ենք 1 ճաշի գդալ սոդա,հետո ավելացնում ենք 1 ճաշի գդալ աման լվացող հեղուկ և ներկանյութ: Վերջում այդ ամենի վրա լցնում ենք քացախ/ 40-45 մլ/ և սկսվում է իսկական հրաբուխ:

ՌԵՏԻՆԵ ՁՈՒ

Անհրաժեշտնյութեր.

Ձու
Ջուր
Քացախ
Ապակյա , մի փոքր խոր, բաժակ
.Հում ձուն դնենք ջրով լի բաժակի մեջ և թողնենք մի քանի ժամ:Կտեսնենք , որ ջրում գտնվող ձվի հետ ոչինչ չի պատահել:

Մի ուրիշ հում ձու դնենք քացախով լի բաժակի մեջ, այնպես, որ ձուն ծածկի: Բաժակը փակենք կափարիչով և թողնենք 2օր/ 48 ժամ/: Հետո նայենք , տեսնենք , թե ինչ է տեղի ունեցել: Ձուն ,որը գտնվել էր քացախաջրում փոխվել էր` նրա կճեպը դարձել էր փափուկ և առաձգական:Այդ ձվի կճեպը , եթե շոշափես , կհիշեցնի ռետինե գնդակի:

Սառցաբեկոր
Խնդիրներ – Պարզել, թե ի՞նչ է սառույցը/ լողում է, հալվում է/, ինչի՞ց է սառույցը պատրաստված:
Անհրաժեշտ նյութեր– սառույցի կտորներ, սառը ջուր , տաք ջուր, տարբեր չափի տարրաներ
Նախ երեխաները սկսում են հետազոտել, պարզել ,թե՛ ինչպիսի՞ն է ջուրը , ջրի ձևը
Հարց- Եթե ջուրը հեղուկ է, այն կարո՞ղ է լինել պինդ:
Ի՞նչ կպատահի ջրի հետ ,եթե այն շատ ուժեղ սառեցնենք:
Առաջադրանք
Ինչպիսի՞ ձև ունի սառույցի կտորը:
Կարելի՞ է սառույցը ջրի պես լցնել:
Սառույցը պինդ է ,թե՞ ոչ:
Վերցրեք սառույցի կտորը ,դրեք ջրի մեջ և դիտարկեք ,թե այն ինչպես է լողում:
Սառույցի ո՞ր մասն է լողում ջրի երեսին:
Սառը ծովերում լողում են հսկայական սառցաբեկորներ:
Երեխաները ծնողների օգնությամբ համացանցից գտնում են սառցաբեկորների նկարներ և տեսաֆիլմեր:

Ռոդարիական հնարքներ

Ռոդարիական հնարքներ

 

anet1

Բարի երեկո, հարգելի ծնողներ:Շատ կարոտել ենք մեր երեխեքին: Մեր արձակուրդները շատ երկարաձգվեցին և նախակրթարանի գործունեությունը սկսվելու է փետրվարի 1-ից: Հասկանում ենք, թե ձեր համար ինչ դժվար է երեխայի խնամքը, հատկապես, երբ աշխատում եք: Ուզում եմ մի նախագիծ առաջարկել, որը կարծում եմ կօգնի ձեզ օրվա ընթացքում: Աշխատանքը կոչվում է Ռոդարիական հնարքներ: Այս նախագիծը հնարավորություն է տալիս ձեր երեխային զարգացնել իրենց վերլուծական մտածողությունը, երևակայական մտածողությունը: Սովորեցնում է ինքնուրույն մտածել, դիտարկել, ուսումնասիրել և ի վերջո հորինել անսովոր, զարմանալի մի հեքիաթ, որի հեղինակը կլինի հենց ինքը:

Փոքրիկներին ծանոթ նյութ է, նախակրթարանում մենք շատ ենք կիրառել:
Ես ձեզ հիմա կառաջարկեմ վերնագրեր, դուք երեխայի հետ ընտրեք , թե որի շուրջ եք ուզում պատմություն հորինել: Փորձեք նկարահանեք նրա արտասանած, հորինած հեքիաթը կամ առաջին նախադասությունները ( որքան էլ այն լինի ըստ ձեզ անտրամաբանական), դուք ինձ ուղարկեք հենց այդպես, թող այն լինի ձեր մտածած շիլաշփոթը: Լավ կլինի նաև հորինելու ընթացում նկարել հենց իր հորինած պատմությունը, հեքիաթը, նախադասությունը:
«Ծակ ամպիկը»
«Եթե ես լինեի կոնֆետների աշխարհում»
«Եթե ես ջրաներկ լինեի, ապա»
«Եթե ինձ մոտ լիներ կախարդական փայտիկ»
Ծնողներ ջան, կատարեք կարճ տեսաֆիլմեր, որպեսզի կարողանաք մաս-մաս ուղարկել ինձ ձեր ֆեսբուքյան էջերով:
Խնդրում եմ շուտ արձագանքեք , անհամբեր սպասում եմ:

Պղպջակի օր է …

Պղպջակի օր է …

2-4 տարեկանների հետ փորձեցինք ստանալ պղպջակներ: Պղպջակներ ստանալու համար վերցրեցինք ջուր , օճառ, ձողիկներ և տարբեր տարրաներ, որոնց մեջ պետք է ստանաինք    պղպջակներ: Ջրի մեջ խառնեցինք օճառը և ձողիկների օգնությամբ ստացանք տարբեր չափի ու ձևի պղպջակներ:  Երեխաների ոգևորությունը այնքան մեծ էր , որ փորձում էին մեկը մյուսից ավելի մեծ պղպջակ ստանալ:Նրանք նույնիսկ նկատեցին պղպջակների մեջ ծիածանի գույներ:

Նախակրթարանի շաբաթվա գործունեությունը

Նախակրթարանի շաբաթվա գործունեությունը

Նախակրթարանի շաբաթվա գործունեությունը
Primary tabs
Դիտել
(active tab)
Հետևել

Submitted by Կարինե Բալայան on Sun, 05/11/2014 — 23:09
2-4 տարեկաններ
Երկուշաբթի

09:00-10:00 Առավոտյան ծես` խնամում, մաքրում, օդափոխում ենք խումբը, ջրում ծառերը, ծաղիկները, դասավորում բակը:

Ուրախ մարմնամարզություն

10:00-10:30 նախաճաշ

10:30-12:30 Խաղ -բանաստեղծություն` Հովհ. Թումանյան «Ուլիկը» — կարդում ենք, խաղում ենք:

12:30-13:00 ճաշ

13.00-15.00 կեսօրյա հանգիստ, քուն:

15.00-15.30 ընթերցում ենք, քննարկում `Աթաբեկ Խնկոյանի «Արագիլն ու աղվեսը»:

15:30-16:00 Ճաշ

17.00- օրվա ավարտ

Երեքշաբթի

09:00-10:00 Առավոտյան ծես` խնամում, մաքրում, օդափոխում ենք խումբը, ջրում ծառերը, ծաղիկները, դասավորում բակը:

Ուրախ մարմնամարզություն

10:00-10:30 նախաճաշ

10:30-12:30 Գուաշով աշխատանք

12:30-13:00 ճաշ

13:00-15:00 կեսօրյա հանգիստ, քուն

15:00-15:30-Խաղ կլոր շրջան

15:30-16:00 Ճաշ

17.00- օրվա ավարտ

Չորեքշաբթի

09:00-10:00 Առավոտյան ծես` խնամում, մաքրում, օդափոխում ենք խումբը, ջրում ծառերը, ծաղիկները, դասավորում բակը:

Ուրախ մարմնամարզություն

10:00-10:30 նախաճաշ

10:30-12:30 Ճպուռն ու մրջյունը, կարդում ենք, քննարկում ենք, խաղում ենք

12:30-13:00 ճաշ

13:00-15:00 կեսօրյա հանգիստ, քուն:

15:00-15:30- նկարում ենք ճպուռն ու մրջյունը

15:30-16:00 Ճաշ

17.00- օրվա ավարտ

Հինգշաբթի

09:00-10:00 Առավոտյան ծես` խնամում, մաքրում, օդափոխում ենք խումբը, ջրում ծառերը, ծաղիկները, դասավորում բակը:

Ուրախ մարմնամարզություն

10:00-10:30 նախաճաշ

10:30-12:30 գնագիտական գործունեություն. ջրի համը, ջրի հոտը, ջրի գույնը

12:30-13:00 ճաշ:

13:00-15:00 Կեսօրյա հանգիստ, քուն

15:00-15:30- աշխատանք կավով

15:30-16:00 Ճաշ

17.00- օրվա ավարտ

Ուրբաթ

09:00-10:00 Առավոտյան ծես` խնամում, մաքրում, օդափոխում ենք խումբը, ջրում ծառերը, ծաղիկները, դասավորում բակը:

Ուրախ մարմնամարզություն

10:00-10:30 նախաճաշ:

խաղում ենք «Պապն ու շաղգամը», խաղ բակում

12:30-13:00 ճաշ

13:00-15:00 կեսօրյա հանգիստ, քուն

15:00-15:30- կավով ծեփում ենք «Պապն ու շաղգամը»

15:30-16:00 Ճաշ

17.00- օրվա ավարտ