Մարդուկ _ բազմապատկում(6,7,8,9)

Մարդուկ _ բազմապատկում(6,7,8,9)

Ինչպես խոստացել էինք տղաներին. այսօր պատրաստեցինք տղա մարդուկ_ բազմապատկում։

Տղաները որսացին պահը և մի լավ գլուխ գովեցին, թե գիտե՞ք ինչու 6,7,8,9 բազմապատկման աղյուսակը ստացվեց տղա կերպարով, որովհետև իրենք ավելի ուժեղ են, դրա համար  դժվար  և բարդ թվերովը  իրենց բաժին ընկավ։

Advertisements
Մարդուկ_ բազմապատկում

Մարդուկ_ բազմապատկում

Մեր ճամբարային առաջին օրը սկսեցինք նոր ուսուցողական խաղի ստեղծումով։

Մեզ օգնեցին մեր ավագ ընկերները, բայց աղյուսակը լրացրեցին փոքրերը։

Ստացվեց թիթիզիկ  մի աղջիկ, որի ձեռքերը և ոտքերը կազմված էին 2, 3,4 և 5 բազմապատկման աղյուսակից։

Երեխաներին  դուր էր եկել և աղյուսակի  ներկայությունը օրվա ընթացքում, և կերպարի ձևավորումը։

Միայն դժգոհություն հայտնեցին տղաները, թե ինչու՞ աղջիկ, այլ ոչ թե տղա _ բազմապատկում։

Այդ իսկ պատճառով վաղը մեր այս ուսուցողական խաղը կունենա շարունակություն տղայի կերպարով։

 

Երկուսի աղյուսակը թևնոց դարձած

Երկուսի աղյուսակը թևնոց դարձած

 

Այսօր պատրաստեցինք թղթե թևնոցներ, որոնք ունեին  իրենց ուսումնական նպատակը.

հմտացնել գրելու կարողությունը

ամրապնդել երկուսի աղյուսակը

զարգացնել հիշողությունը:

Արդյունքում .

ունեցանք թևնոցներ, որոնց վրա գրված էր երկուսի աղյուսակը, նույնիսկ բակում այն անբաժան էր երեխաներից ու նրանք իրենց հասակակից ընկերներին մեծ ուրախությամբ ցույց էին տալիս ու բացատրում , որ այստեղ գրված է  աղյուսակ.

-այ, հարցրու կտեսնես, որը չհիշեմ, կնայեմ ու քեզ կասեմ, բա՞

Խաղը ունեցավ իր ուսուցողական նպատակը, չէ որ սովորում ենք խաղալով, և խաղում ՝ սովորելիս:

Խաղերը Արևմտյան դպրոցում

Խաղերը Արևմտյան դպրոցում

<<Առանց խաղի չկա և չի կարող լինել  ամբողջական մտավոր զարգացում: Խաղը   մի մեծ ,լուսավոր պատուհան է, որի միջոցով երեխայի հոգևորաշխարհը կյանքը լցնում է պնդումների, գաղափարների հոսքով: Խաղը  կայծ է` հարցասիրությանև հետաքրքրասիրության վառվող  կրակ»: